Էմմանուել

ՄԻ վախեցիր, որովհետև Ես քեզ հետ եմ: Քեզ քո անունով կանչեցի, դու Իմն ես, երբ ջրերով անցնես` ես քո հետ կլինեմ,

երբ գետերով անցնես պիտի չընկղմվես, երբ կրակի միջով քայլես, պիտի չայրվես, քանզի Ես քո Ատսվածը`քո Փրկիչն եմ:

> Երբ դու Քրիստոսի մեջ ես դու փրկված ես, երբ Քրիստոսն է քո մեջ դու լուսավորված ես: Երբ դու Քրիստոսի մեջ ես դու պատրաստ ես երկնային կյանքի, երբ Քրիստոսն է քո մեջ դու պատրաստ ես երկրային ծառայության:

Երբ դու Քրիստոսի մեջ ես դու փոխում ես քո մտածելակերպը, երբ Քրիստոսն է քո մեջ փոխվում է քո կյանքը: Մի դեպքում երկինքն է քո կացարանը,մյուս դեպքում երկիրը Նրա արհեստանոցը, իսկ դու Նրա ձեռքի գործիքը: Հիսուս մեր մեղքերի համար վիրավորվեց, և մեր անօրենությունների համար ծեծվեց,

մեր խաղաղության պատիժը նրա վրա դրվեց, և Նրա վերքերով մենք բժշկվեցինք: Եսայա 53:5 Ինքը՝ Քրիստոսը, մեկ անգամ չարչարվեց մեր մեղքերի համար,արդարը՝ մեղավորներիս համար, որպեսզի մեզ մոտեցնի Աստծուն:

Նա թեև մեռավ մարմնով, բայց կենդանի մնաց հոգով: Ա Պետրոս 3.18 Որովհետև Աստված այնպես սիրեց աշխարհը, որ իր միածին Որդին տվեց, որ ամեն Նրան հավատացողը չկորչի, այլ հավիտենական կյանք ունենա:Հովհ. 3:16