|
Աղոթքից զորավոր ինչ կա աշխարհում
Որ կարող լինի ճեղքել երկինքներ
կոտրել քար սրտեր,
բացել անհասանելի ու փակ դռներ,
տալ խաղաղություն եվ արդար հույսեր
Աղոթքը հրավեր է բարձյալ Աստծուն
Որ միջամտի մեր ամեն գործում:
Որ ցույց տա Նա իր կարողությունը
Եվ գերազանց իմաստությունը:
Աղոթքը զենք է հոգևոր պատերազմում
Մեր հավատքի չափով է հաղթանակը որոշվում
Աղոթող մարդիկ կախյալ են Տիրոջից
Դրա համար զերծ են մնում չարիքից:
Աղոթելով մեր արժեքն ավելի է բարձրանում
Չէ որ Բարձյալ Աստծո հետ ենք առընչվում:
Աղոթքը ցույց է տալիս մեր տկարությունը
Գործի դնելով Տիրոջ զորությունը:
Աղոթել նշանակում է Աստծուն վստահել
Եվ նրա կամքի մեջ մեր կամքը թաղել:
Այսօր վեր բարձրացրու քո աղոթքը
Որ ստանաս Տիրոջ գերազանց շնորհքը: 
| 